Thursday, April 21, 2011

Documenting April 8th & 9th sit in...توثيق فض اعتصام التحرير 9 أبريل

تناشد مجموعة " لا للمحاكمات العسكرية للمدنيين" كل من شارك في اعتصام ميدان التحرير يومي 8 و 9 أبريل ان يرسلوا لنا شهاداتهم عن أحداث فض الاعتصام لضمها  لتقرير توثيقي نعمل على تجميعه و تقديمه للجنة تقصي الحقائق المكلفة من قبل وزارة العدل.

يرجى ارسال الشهادات, و اي مادة توثيقية  مصاحبة (فيديو -صور, ..) و بيانات للاتصال بكم ان امكن, على

nomiltrials@gmail.com

موقع المجموعة: http://tahrirdiaries.wordpress.com

"No military trails for civilians" group urges those who participated in Tahrir sit in on April 8th & 9th to send us their written testimonies of what they saw during the dispersion of the sit in. These testimonies will be added to the report we are compiling to submit to the fact finding committee assigned by ministry of justice to investigate events of that day.

Please send us your testimonies & any documented material ( Videos, pictures, ..) , along with contact information if possible on nomiltrials@gmail.com

Blog of the group: tahrirdiaries.wordpress.com

5 comments:

  1. ahmed samir awadallahApril 21, 2011 at 5:18 PM

    اولا انا طالب باكالوريوس هندسة بترول وتعدين السويس
    انا كنت معتصم انا و واحد صاحبي معايا في الكلية برضة الهدف كان من الاعتصام "مش هنامشي ما تحاكمشي " ومش حماية الضباط المعتصمين اللي ورطونا معاهم
    الميدان في اليوم دا اتقسم نصين نص قال احنا ما لناش دعوة بالضباط دول
    ونص قال طالما هما طلبوا حمايتنا لازم نحميهم
    وانا كنت مع الرأي الاول وصاحبي مع الرأي التاني
    المهم الساعة 11 بالليل الشرطة العسكرية دخلت الميدان وحاولت تقبض على الضباط الناس طردتهم وقعدو يهتفوا برة برة واول ما تسمع صافير تلاقي الناس كلها اتجمعت ومن ساعة ما طردوهم من الميدان وبدأت اللجان تتعمل على كل الشوراع
    بعد الموضوع دا انا نزلت قعدت في الصينية وفرشت ورق كرتون وقلت اريح شوي
    حوالي السعة واحدة ونص بالليل رامي عصام قعد يغني واتلمينا حواليه وكل شوية واحد ياخد منه المايك ويقول عاوزين متطوعين للوقوف على شارع كذا وكذا وكل شوية نسمع صفافير كاذبة الجيش دخل انا من كتر الاشاعات قلت مستحيل الجيش يدخل
    انا قلت مع نفسي لو الجيش دخل بعنف يبقى هيولع البلد اكتشفت يعد كدة التعتيم الاعلامي الفظيع
    المهم الساعة 3 بعد نص الليل بالظبط لاقينا عربيات امن مركزي وشرطة عسكرية بدأت تتمركز عند المتحف المصري رحنا نشوف لاقينا عساكرالجيش واقفة ولابسة دروع ومعاها رشاشات قلنا دا بجد بقى وبعدين رجعنا عند الميدان تاني لاقينا تمركز عند شارع كوبري قصر النيل
    ومن عند الجامعة الامريكية
    المهم لاقيت قوات صاعقة ومظلات ومدرعات حاصروا الميدان تماما في اللحظة دي قلنا احنا هندك انا قعدت ادور على مية
    عشان اتوضأ عشان لما اموت ابقى طاهر ولاقيت اللي بيصلي واللي بيدعي واللي بيعيط واللي عمال يحرق في سجاير
    في اللحظة دي الناس كانت محاصرة الخيمة اللي فيها ضباط الجيش المعتصمين
    المهم بدأوا يعملوا كردون علينا فحصل احتكاك بين واحد وضابط جيش فحاول يقبض عليه فالناس قعدت تقول سيبوا سيبوا
    في اللحظة دي ضابط قاعد فوق المدرعة ضرب نار في الهوا وبعد كدة الرشاشات اشتغلت وبدأت العساكر تقرب من حصر المعتصمين في صينية الميدان وضرب النار شغال
    هما فتحوا الشارع اتجاه كوبري قصر النيل عشان الناس تهرب في الاتجاه دا في ناس جريت وناس ثبتت في مكانه حول الخيمة اللي فيها الضباط المعتصمين وفي دقيقة واحدة حاصرو الخيمة اكتر من اربع صفوف عساكر عاملة كردون حول الخيمة قبل الهجوم الضباط العتصمين لبسوا مدني وفي كتير منهم هربوا
    تسمع بقى صوت ضرب النار والستات عمالة تصوت والاطفال بتعيط واللي تايه منه ابنه والكل كان بيجري ناحية كوبري القصر العيني بعد كدة بدأوا يقبضوا عشوائي على الناس وبعد كدة جريوا ورانا عشان يضمنوا ان ما حدش هيرجع
    انا بصراحة رجعت البيت لكن سمعت ان في ناس الصبح رجعوا الميدان
    للاسف موبايلي كان فاصل شحن ما عرفتش اصور حاجة

    ReplyDelete
  2. ساره غيتهApril 21, 2011 at 6:28 PM

    مامتي كانت معتصمه لغاية ما الضرب ابتدي و قالتلي نزلوا امن مركزي بس لابسين زي الجيش بكثافه جدا و ضربوا رصاص كتير جدا بس هي مشيت في اول الضرب و ماشفتش اذا كان في وقوع ضحايا بي أكيد كان فيه صوت رصاص مرعب و غاز مسيل للدموع

    ReplyDelete
  3. دعوة عامة للتظاهر السبت 23 أبريل أمام معهد العالم العربي،مترو جوسيو، إبتداء من الثانية ظهرا،لدعم إخوتنا الليبيين،وفي نفس اليوم لدعم إخوتنا اليمنيين في التروكاديرو في الرابعة،وغدا الجمعة في التروكاديرو في الخامسة،ولرؤية فيلم المخرج خالد الشبيني غدا الجمعة؛الساعة السادسة والنصف في المركز الثقافي المصري،١١١أفينوسان ميشيل!كل عيد فصح وأنتي بخير آنسة نرمين وكل إخوتنا المسيحيين بخير وسعادة،وكل المصريين بيشموا نسيم الثورة العليل!!سالم القطامي

    ReplyDelete
  4. [...] Documenting April 8th SAVE | SHARE RT @monasosh: ساعدونا في توثيق فض اعتصام ميدان التحرير 8 و 9 ابريل...help us document dispersion of Tahrir sitin April 8th [...]

    ReplyDelete
  5. ممكن تتصلوا بالشيخ صفوت حجازي و هناك بعض معارفي لكن أخشى أن أضع بياناتهم على العلن
    بمنتهى البساطة انزلوا ميدان التحرير يوم الجمعة و ستجدون آلاف من المخلصين للميدان والذين رأوا بأم أعينهم ما حدث..

    ReplyDelete